Тоҷикӣ | Русский | English  

Вохӯрӣ бо Вазири фарҳанг ва варзиши Қатар

6 ноябри соли 2017 вохӯрии Сафири Ҷумҳурии Тоҷикистон дар Давлати Қатар Хисрав Соҳибзода бо Вазири фарҳанг ва варзиши Давлати Қатар Салоҳ бин Ғоним ал-Алӣ баргузор гардид.

Зимни мулоқот ҳолат ва дурнамои робитаҳои фарҳангию башарии ду кишвар ва рафти татбиқи Созишномаи байниҳукуматӣ оид ба ҳамкорӣ дар соҳаи фарҳанг мавриди баррасӣ қарор гирифтанд. Алоқамандии мутақобил ба тавсеаи минбаъдаи ҳамкориҳо дар соҳаҳои мухталифи фарҳанг ва ҳунар таъкид гардид. Ҷиҳати таҳкими робитаҳо дар ин самт ҷонибҳо баргузории рӯзҳои фарҳанги Тоҷикистон ва Қатар дар кишварҳои ҳамдигар, ташкили намоишгоҳҳои ҳунарӣ ва китобҳо, табодули ҷавонон, танзими сафарҳои мутақобили аҳли адабу ҳунар ва тақвияти робитаҳои байни китобхонаҳо, театрҳо ва осорхонаҳои миллии ду кишварро ҳамчун иқдомҳои муҳим арзёбӣ карданд.

Роҷеъ ба масъалаҳои густариши ҳамкориҳои судманди Тоҷикистон ва Қатар дар соҳаи варзиш ва тарбияи ҷисмонӣ низ табодули назар сурат гирифт. Ҷонибҳо аз омодагии ниҳодҳои дахлдори ду кишвар барои имзои созишномаи ҳамкорӣ дар соҳаи мазкур истиқбол намуданд.  

     

© 2017 Вазорати корҳои хориҷии Ҷумҳурии Тоҷикистон
© 2017 Суроға: Ҷумҳурии Тоҷикистон, 734001, Душанбе, кӯчаи Шероз 33
тел: (992 37) 2210551 (шӯъбаи умумӣ), (992 37) 2211808 (қабулгоҳ)
факс: (992 37) 2210259 E-mail: info@mfa.tj