Мулоқот бо вазири таҳсилоти олӣ ва миёнаи махсуси Ӯзбекистон
1 апрели соли 2022 вохӯрии Сафири Фавқулода ва Мухтори Ҷумҳурии Тоҷикистон Абдуҷаббор Раҳмонзода бо Вазири таҳсилоти олӣ ва миёнаи махсуси Ҷумҳурии Ӯзбекистон Абдуқодир Тошқулов баргузор шуд.
Дар рафти мулоқот ҷонибҳо доираи васеи масоили рушд ва таҳкими ҳамкориҳоро дар соҳаи маориф ва илм, аз ҷумла оид ба эътирофкунии (нострификатсия) дипломҳои муассисаҳои таҳсилоти олӣ, таъсиси бахши забони тоҷикӣ дар Донишгоҳи давлатии вилояти Бухоро ва таъсиси факултаҳо ва филиалҳои донишгоҳ ва донишкадаҳои Ҷумҳурии Тоҷикистон дар Ҷумҳурии Ӯзбекистон ва филиалҳо ва факултаҳои муассисаҳои таҳсилоти олии касбии Ҷумҳурии Ӯзбекистонро дар Ҷумҳурии Тоҷикистон муҳокима намуданд.
Ҳамзамон ҷонибҳо масъалаи баргузор кардани Шӯрои ректорон ва вохӯрии донишҷуёни ҳар ду кишварро дар як вақт ба хотири омӯзиши таҷрибаи ҳамдигар муфид шумориданд.
