Мулоқоти муовини вазири корҳои хориҷии Тоҷикистон бо ҳайати Иттиҳоди Аврупо

1 июни соли 2023 муовини вазири корҳои хориҷии Ҷумҳурии Тоҷикистон Фарҳод Салим ҳамоҳангсози Иттиҳоди Аврупо оид ба муқовимат алайҳи терроризм Илкка Салми ва намояндаи вежаи Иттиҳоди Аврупо оид ба Осиёи Марказӣ Тери Ҳакаларо ба ҳузур пазируфт.

Зимни вохӯрӣ ҷонибҳо оид ба масъалаҳои мубрами рӯзномаи байналмилалӣ ва минтақавӣ, аз ҷумла вазъ дар сарҳади Тоҷикистону Афғонистон, инчунин ҳамкории Ҷумҳурии Тоҷикистон ва Иттиҳоди Аврупо дар самти муқовимат ба терроризм, ифратгароӣ ва қочоқи маводи мухаддир табодули афкор намуданд.

Саҳифаҳои расмии Вазорати корҳои хориҷии Ҷумҳурии Тоҷикистон дар шабакаҳои иҷтимоӣ:

Мо дар Фейсбук: www.facebook.com/mfa.tj

Мо дар Твиттер (русӣ): www.twitter.com/MID_Tajikistan

Мо дар Телеграм: t.me/mfa_tj

Мо дар Инстаграм: instagram.com/mfa_tjk

Мо дар Твиттер (англисӣ): twitter.com/MOFA_Tajikistan