Иштирок дар ҷаласаи ғайрирасмии вазирони корҳои хориҷии кишварҳои узви Созмони ҳамкории иқтисодӣ

21 сентябри соли 2023 дар Ню-Йорк дар ҳошияи иҷлоси 78-уми Маҷмаи Умумии Созмони Милали Муттаҳид вазири корҳои хориҷии Ҷумҳурии Тоҷикистон Сироҷиддин Муҳриддин дар ҷаласаи ғайрирасмии вазирони корҳои хориҷии кишварҳои узви Созмони ҳамкории иқтисодӣ (СҲИ) ширкат намуд.

Вазири корҳои хориҷӣ зимни суханронии худ қайд кард, ки Тоҷикистон ба фаъолияти муассири СҲИ ҷиҳати бунёди низоми боэътимоди нақлиётию транзитӣ, соддагардонии расмиёти тиҷорат, истифодаи самараноки захираҳои табиӣ, ташкили низоми ягонаи энергетикӣ ва фароҳам овардани шароити мусоид барои ҷалби сармоягузорӣ дар дохили созмон манфиатдор мебошад.

С. Муҳриддин ҳамчунин ба зарурати тавсеаи ҳамгироии иқтисодӣ дар минтақаи СҲИ, аз ҷумла дар соҳаҳои рушди нақлиёт ва алоқа, татбиқи лоиҳаҳои зерсохторӣ, соддагардонии раванди тиҷорат, истифодаи самараноки захираҳои обию энергетикӣ, таъсиси низоми ягонаи энергетикӣ, гардиши озоди молу хадамот ва сармоя таъкид намуд.

Саҳифаҳои расмии Вазорати корҳои хориҷии Ҷумҳурии Тоҷикистон дар шабакаҳои иҷтимоӣ:

Мо дар Фейсбук: www.facebook.com/mfa.tj

Мо дар Твиттер (русӣ): www.twitter.com/MID_Tajikistan

Мо дар Телеграм: t.me/mfa_tj

Мо дар Инстаграм: instagram.com/mfa_tjk

Мо дар Твиттер (англисӣ): twitter.com/MOFA_Tajikistan