Баррасии ҳамкориҳо миёни Кӯлоб ва Ҳамадон

16-17 августи соли 2024 дар доираи сафари корӣ ба вилояти Ҳамадони Ҷумҳурии Исломии Эрон сафири Ҷумҳурии Тоҷикистон Низомиддин Зоҳидӣ бо раиси вилоят Алиризо Қосимӣ Фарзод мулоқот намуд.

Зимни мулоқот ҷонибҳо бо изҳори қаноатмандӣ аз густариши ҳамкориҳо миёни Тоҷикистон ва Эрон зарурати фаъол гардонидани робитаҳои гуногунҷанба миёни вилоятҳои ду кишвар, аз ҷумла Хатлони Тоҷикистон ва Ҳамадонии Эронро таъкид карданд.

Алиризо Қосимӣ Фарзод зарфият ва тавонмандиҳои вилояти Ҳамадонро дар соҳаҳои саноат, кишоварзӣ, металлургия, тиб, фарҳанг ва сайёҳӣ таъкид карда, омодагии фаъолони иқтисодии вилоятро барои табодули таҷриба миёни мутахассисон, баргузории чорабиниҳои муштараки иқтисодиву тиҷоратӣ ва густариши ҳамкориҳои дуҷониба изҳор намуд.

Дар рафти вохӯрӣ инчунин масъалаҳои фаъол намудани робитаҳои бародаршаҳрӣ миёни Ҳамадон ва Кӯлоб баррасӣ гардида, шахсияти ориф ва мутафаккири бузург Мирсаид Алии Ҳамадонӣ ба унвони ҳалқаи пайванди ин ду шаҳри бостонӣ таъкид гардид.

Саҳифаҳои расмии Вазорати корҳои хориҷии Ҷумҳурии Тоҷикистон дар шабакаҳои иҷтимоӣ:

Мо дар Фейсбук: www.facebook.com/mfa.tj

Мо дар Твиттер (русӣ): www.twitter.com/MID_Tajikistan

Мо дар Телеграм: t.me/mfa_tj

Мо дар Инстаграм: instagram.com/mfa_tjk

Мо дар Твиттер (англисӣ): twitter.com/MOFA_Tajikistan