Иштирок дар Нишасти 17-уми вазирони корҳои хориҷии Форуми ҳамкории “Осиёи Марказӣ-Ҷумҳурии Корея”

4 ноябри соли 2024 дар шаҳри Сеул Нишасти 17-уми вазирони корҳои хориҷии Форуми ҳамкории "Осиёи Марказӣ - Ҷумҳурии Корея" баргузор гардид, ки дар он ҳайати Ҷумҳурии Тоҷикистон таҳти роҳбарии муовини вазири корҳои хориҷӣ Содиқ Имомӣ ширкат варзид.

Зимни суханронӣ, роҳбари ҳайати тоҷикистонӣ дидгоҳи кишварро роҷеъ ба тавсеаи ҳамкориҳои дуҷониба ва бисёрҷониба бо Ҷумҳурии Корея ва кишварҳои Осиёи Марказӣ дар ҳошияи ин абзори муассир баён намуд.

Дар ҳошияи Форуми ҳамкорӣ чор ҷаласаи тахассусӣ дар бахшҳои занҷираи таъминот, ҳифзи муҳити зист ва тағйирёбии иқлим, сайёҳӣ ва фанновариҳои иттилоотӣ-коммуникатсионӣ дар шакли ҳузурӣ ва маҷозӣ баргузор гардиданд.

Иштирокчиёни ҳамоиш оид ба масоили мубрами рӯзномаи нишаст, рушди ҳамкориҳои мутақобилан судманд ва татбиқи лоиҳаҳои муштарак табодули афкор карданд.

Дар фарҷоми ҷаласа, Изҳороти муштараки вазирони корҳои хориҷӣ ва Нақшаи кории Котиботи Форуми ҳамкории “Осиёи Марказӣ-Ҷумҳурии Корея” барои соли 2025 қабул гардид.

Саҳифаҳои расмии Вазорати корҳои хориҷии Ҷумҳурии Тоҷикистон дар шабакаҳои иҷтимоӣ:

Мо дар Фейсбук: www.facebook.com/mfa.tj

Мо дар Твиттер (русӣ): www.twitter.com/MID_Tajikistan

Мо дар Телеграм: t.me/mfa_tj

Мо дар Инстаграм: instagram.com/mfa_tjk

Мо дар Твиттер (англисӣ): twitter.com/MOFA_Tajikistan