Мулоқоти вазири корҳои хориҷии Тоҷикистон бо комиссари Иттиҳоди Аврупо оид ба корҳои дохилӣ ва муҳоҷират

18 ноябри соли 2025 дар шаҳри Брюссел вазири корҳои хориҷии Ҷумҳурии Тоҷикистон Сироҷиддин Муҳриддин бо комиссари Иттиҳоди Аврупо оид ба корҳои дохилӣ ва муҳоҷират Магнус Бруннер мулоқот анҷом дод.

Зимни вохӯрӣ ҷонибҳо ҳамкории фарогири Тоҷикистону Иттиҳоди Аврупоро дар мавзуъҳои таҳкими марз ва муқовимат ба чолишҳои амниятӣ, аз қабили муборизаи муштарак бо терроризм ва экстремизм, баррасӣ намуданд.

Бо инобати мароми ҷонибҳо дар бобати ба сатҳи шарикии стратегӣ баровардани ҳамкориҳои минтақавӣ, таҳкими иртибот, соддагардонии раванди дарёфти раводид ва танзими равандҳои муҳоҷирати меҳнатӣ дар меҳвари гуфтугӯ қарор дошт.

Муколамаи Тоҷикистон бо Иттиҳоди Аврупо дар чаҳорчӯби ҳамкориҳо бо Агентии ҳифзи марзи сарҳадӣ ва соҳилии Иттиҳоди Аврупо (FRONTEX) ва Дафтари афсари тамоси аврупоӣ дар умури бозпасгардонии шаҳрвандон дар минтақаи Осиёи Марказӣ (EURLO) баланд арзёбӣ гардида, ҷонибҳо баҳри идомаи ин равобит омодагӣ иброз намуданд.

Саҳифаҳои расмии Вазорати корҳои хориҷии Ҷумҳурии Тоҷикистон дар шабакаҳои иҷтимоӣ:

Мо дар Фейсбук: www.facebook.com/mfa.tj

Мо дар Твиттер (русӣ): www.twitter.com/MID_Tajikistan

Мо дар Телеграм: t.me/mfa_tj

Мо дар Инстаграм: instagram.com/mfa_tjk

Мо дар Твиттер (англисӣ): twitter.com/MOFA_Tajikistan