Мулоқоти муовини вазири корҳои хориҷӣ бо директори Донишкадаи омӯзишҳои дипломатии Миср

28 январи соли 2026 дар шаҳри Қоҳира мулоқоти муовини вазири корҳои хориҷии Ҷумҳурии Тоҷикистон Фаррух Шарифзода бо муовини вазир ва директори Донишкадаи омӯзишҳои дипломатии Вазорати корҳои хориҷӣ, муҳоҷират ва мисриёни хориҷ аз кишвари Ҷумҳурии Арабии Миср Ёсир Алавӣ баргузор гардид.

Ҷонибҳо роҳҳои татбиқи амалии Ёддошти тафоҳум байни Вазорати корҳои хориҷии Ҷумҳурии Тоҷикистон ва Донишкадаи омӯзишҳои дипломатии Вазорати корҳои хориҷии Ҷумҳурии Арабии Миср, ки 27 январи соли 2026 дар Қоҳира ба имзо расида буд, баррасӣ намуданд.

Дар ҷараёни мулоқот ҳамкории дуҷониба дар самтҳои табодули таҷриба, тадқиқоти муштараки дипломатӣ ва баргузор намудани давраҳои такмили ихтисос барои кормандони дипломатӣ ҳамчун омилҳои муҳим дар рушди ҳамкории минбаъда арзёбӣ гардид.

Саҳифаҳои расмии Вазорати корҳои хориҷии Ҷумҳурии Тоҷикистон дар шабакаҳои иҷтимоӣ:

Мо дар Фейсбук: www.facebook.com/mfa.tj

Мо дар Твиттер (русӣ): www.twitter.com/MID_Tajikistan

Мо дар Телеграм: t.me/mfa_tj

Мо дар Инстаграм: instagram.com/mfa_tjk

Мо дар Твиттер (англисӣ): twitter.com/MOFA_Tajikistan