Вохӯрии Сафири Тоҷикистон бо Вазири корҳои хориҷии Қирғизистон
19.11.2019 18:13
16 ноябри 2019 дар Бишкек Сафири Ҷумҳурии Тоҷикистон дар Ҷумҳурии Қирғизистон Сӯҳроб Олимзода бо Вазири корҳои хориҷии Қирғизистон Чингиз Айдарбеков вохӯрӣ намуд.
Дар мулоқот ҷонибҳо масъалаҳои мубрами муносибатҳои дуҷониба, татбиқи тавофуқҳое, ки дар мулоқоту музокирот дар сатҳи сарони давлатҳо ба даст омадаанд, аз ҷумла зарурати суръат бахшидан ба раванди музокирот бобати таъйин ва аломатгузории хатти сарҳади давлатии Тоҷикистон ва Қирғизистонро баррасӣ карданд.
Таваҷҷуҳи хос ба масъалаҳои фаъолияти муштарак ҷиҳати таҳкими ҳамкориҳои наздимарзӣ ва пешгирии зуҳуроти номатлуб зоҳир гардид.
